東京 (新宿)   >    上野     >    成田機場    >     香港

呢日係行程既最後一天, 本想一早去"築地"魚生市場食魚生, 由於要一早起行, 我又唔食魚生, 所以我選擇唔去, 因為之前都去過, 去到我都係食麵...

我地約左11.00係酒店大堂check out, 之後就到上野buy手信...

9點幾我就起左身, 落去樓下行下, 見到有間超級市場, 入去買左兩包日本年糕, 一包俾Daddy煮比我食, 一包送左比人...

時間都差不多, 要走囉...

大家一喼二喼, 浩浩蕩蕩先去上野既成田空港站租locker放低d行李, 點知只係得返幾個, 其餘的, 就要我地拎住去買手信囉, 不過感謝主, 神必為我地預備好一切, 包括情節... 管理員可以俾我地放d行李响佢個站崗亭入面, 唔洗我地拎住咁多野周圍走...

去到上野手信街, 又撞返另一班團友, 大家都好努力係咁買...買...同埋買...

買到連我地食lunch時間都無, 本來我地入左一間餐廳食和食, 點知唔夠時間, 之後我地兵分兩路, 一批去拎行李先, 我, Faithful, 同麗儀係度等食物, 不段宣告佢要快d快d (佢地手腳宣告快), 火車2.40分開車, 我地20分仲係餐廳...大約25分, 終於拎到食物啦...我地係咁跑係咁跑, 會合佢地之後, 就上車, 不夠幾分鐘車就開了...感謝主來得切...

去到機場, check完一輪之後, 上到機, 係時候起飛之際, 點知機長話, 因機件故障, 需要一小時既維修, 我同linen講, 而家黎維修, 我想轉另一架機好似安全d...佢話而家發現左黎維修, 好過飛到上去先發現...(領袖諗野係唔同d...要學習學習 )

個航空公司都好好, 佢送了USD10 既食劵比我地, 其實落左機都1點幾, 我地見Burger King 仲未關門, 所以我地去食埋先...為左想用盡呢張coupon, 我地都叫左好多野食, 我叫左一個set, 有兩層牛肉既巨型漢堡包, 有薯條, 有汽水, 加左一杯朱古力新地, 仲加埋一包洋蔥圈, 不過都係樣樣食少少...說實話, 我覺得M記會好味d...

感謝主...仲有巴士返屋企...盡興而歸呀!!! 

>  苗場

呢日都係滑雪既...

但係滑雪前就梗係食飽飽先啦......臨出發之前, 老闆仲請我地飲Coffee 同食餅, 神每時每刻都係這樣恩待我們...好感恩呀!

你睇下亞居同Linen滑雪既英姿...wow...型呀!! 

佢地今日都有上半山滑返落黎, 轉下左又轉下右, 仲唔跌添呀!!!  佢地都學識左啦...

我地又多幾個雪友啦... 一二三四五六七..."雪"姑七"友"?!?!... (話說亞居話我地呢幾個係滑雪fans...簡稱 "雪友"...我地二口同聲都話..."雪"姑七"友"... 嘩哈哈!!!  )

Lunch 我地上左山頂既餐廳食野...佢既 curry 飯好好味...

阿豪佢地話食完飯之後, 係隔離大斜面滑落去......不過我仲未得住, 因為真係好斜, 我未突破到呢個階段...

什麼叫一旦停止???  (不過有人話係 "一旦玩完")

其實我地身後就係好斜既滑道...相信唔會一滑就玩完啦!!

"一旦停止" 呢個牌係示意俾上面滑緊落黎既人知, 要小心, 停一停, 因為下面好斜既意思...

影完相, 我地就各行各路嘞, 我自己就响側邊既小路落 (因為無咁斜), 阿豪, 麗儀, 阿良同Faithful 就响大斜面落, 而其他人就搭返 Gondonla 落返山, 繼續玩...

下午既雪落得比較大又有d風, 所以行到半路都要入去個休息室度休息下...果度仲有杯麵, 熱飲買添呀...

今次應該用左一個鐘先落到山......正!!

剩返唔係好多時間, 多謝赤赤推動我去另一條雪道玩, 果度都頗斜, 我試過跌低左, 起身著返鞋既時候, 都宣告容易, 都幾滑, 佢係路上都好照顧我... 多謝晒......不過都比上次都突破左! 

我地見有時間, 就再滑多最後一次...上山途中, 赤赤話不如試下另一條路落, 我話: 嘩! 宣告唔斜喎! (我既四號機又出來啦!!)

去到果度, 赤赤話佢去望吓先, OK 的話我再過去...佢去到一睇, 嘩! 真係宣告唔斜...之後佢都好小心咁行返過黎...真險! 

Wow...咁快就到五點啦! 即係話滑雪也隨即結束了... (好似未夠喉  )

晚飯過後, 我地出去Prince Hotel 行左一陣, 又買下手信...之後就返民宿休息...

休息之前, 除左梳洗之外, 要做多一樣野, 就係搽 "納米袪痛膏"...因為宣告唔累, d肌肉宣告唔緊...不過搽完就真係好好多...所以上次滑左三日都係靠佢...